Fréttir
- Paprikur frá Vistvænni Orku fá betri dóma en þær erlenduBragðprófanir sýna að paprikur ræktaðar undir LED lýsingu þykja betri
10.05 2010
Prófanir á nýrri gerð millilýsingar hafin
Kostir LED-ljósdíóðulampa eru ótvíræðir
Vistvæn Orka ehf er um þessar mundir að prófa nýja gerð LED-ljósdíóðulampa fyrir millilýsingu fyrir matjurtarækt. Um er að ræða vatnskælda lampa sem staðsettir eru lóðrétt milli plantna í beðum og gefa frá sér 360° lýsingu. Vonir eru bundnar við að lampar af þessari nýju gerð geti komið í staðinn fyrir HPS gróðurhúsalampa við ræktun á t.d. agúrkum, paprikum og tómötum. Helstu kostir LED-ljósdíóðulampa fyrir millilýsingu eru eftirfarandi:
- Mikill orkusparnaður
- Eykur mögulega uppskeru
- LED millilýsing brennir hvorki né skaðar plönturnar af völdum hita
- Minni vinna við umhirðu vegna aukasprota
Á myndinni til vinstri má sjá frumgerð LED-ljósdíóðulampa sem verið er að prófa við millilýsingu í paprikurækt. Á myndinni til hægri má sjá hefðbundinn HPS gróðurhúsalampa og hvernig hann hefur skaðað paprikuplönturnar sem eru næst honum.
